विराटनगर । बलात्कारको आरोपमा पक्राउ परेका सिद्धबाबा भनिने कृष्णबहादुर गिरीलाई अदालतले ७ दिन प्रहरी हिरासतमै राख्न आदेश दिएको छ ।
शुक्रबार सिद्धबाबालाई सुनसरी प्रहरीले अनुसन्धान नसकिएको भन्दै म्याद थपको माग गर्दै उनलाई जिल्ला अदालत उपस्थित गराएपछि अदालतले ७ दिन म्याद थप गरेको हो ।
प्रहरीले यसअघि ४ दिनको म्याद थप गराइ अनुसन्धान गरेको थियो ।
आफ्नै अनुयायीमाथि बलात्कार प्रयास गरेको उजुरीपछि प्रहरीले उनलाई गत मंसिर १६ गते विराट नर्सिङ होमको आईसीयूबाटै पक्राउ गरेको थियो ।