काठमाडौं । १३औं दक्षिण एसियाली खेलकुद (साग)मा नेपालले ४० ओटा स्वर्णपदक जितेको छ । पदकतालिकामा अहिलेसम्म नेपाल दोस्रो स्थानमा यथावत् रहेको छ ।
नेपालले शुक्रबारमात्रै गल्फमा दुई तथा एथ्लेटिक्स र भारोत्तोलनमा एकरएक स्वर्णपदक जितिसकेको छ ।
पदकतालिकाको शिर्ष स्थानमा ६७ स्वर्णसहित भारत रहँदा तेस्रो स्थानको श्रीलंकाको २३, चौथो स्थानको पाकिस्तानको १९, पाँचौं स्थानको बंगलादेशको ४, छैटौं स्थानको माल्दिभ्सको एक स्वर्णपदक छ । अन्तीममा रहेको भुटान भने ६ कास्यपदकमात्रै चित्त बुझाएको छ ।
नेपालले अहिलेसम्मका साग संस्करणमा जितेको कुल स्वर्णको संख्या १११ पुगेको छ । १२औं सागसम्म नेपालले ७१ स्वर्णपदक जितेको थियो ।
