कपिलवस्तु । ग्लाेबल आइएमई बैंक बनगाई शाखाका म्यानेजर सुरेश पाण्डेको मृत्यु भएको छ । ३० वर्षीय पाण्डेकोे कार दुर्घटनामा मृत्यु भएको छ।
कपिलवस्तुको बाणगङ्गा पुर्व बाट पश्चिम तर्फ जाँदै गरेको ८ मा बा ८ च ६३९० नम्बरको कार दुर्घटना हुँदा पाण्डेको मृत्यु भएको छ । बिहेका लागि जाँदै गर्दा बिहान सवा ८ बजेतिर उनको कार दुर्घटना भएको हो।
कार दुर्घटनामा परी तीनजना घाइते भएका छन्। घाइतेहरुको बुटवलमा उपचार भइरहेको छ। अर्को सवारीलाई ओभरटेक गर्ने क्रममा कार अनियन्त्रित भई विद्युतको पोलमा ठोक्किएर पल्टिएको प्रहरीले जनाएको छ।
