काठमाडौँ: पेट्रोलियम पदार्थको निरन्तर मूल्यवृद्धि भएसँगै सरकारले सार्वजनिक यातायात र मालवाहक सवारीसाधनको भाडा दर समायोजन गर्न निर्देशन दिएको छ ।
सवारीसाधनको भाडादर समायोजन गर्न सार्वजनिक यातायात महासंघले केही दिनदेखि सरकारमाथि दबाब दिइरहेको थियो ।
यातायात व्यवस्था मन्त्रालयका अनुसार, नयाँ व्यवस्थाअनुसार यात्रुवाहक सवारीसाधनको भाडामा करिब १६.७१ प्रतिशतले वृद्धि गरिएको छ। त्यस्तै, मालवाहक सवारीतर्फ पहाडी क्षेत्रमा सञ्चालन हुने सवारीको भाडा करिब २१.६८ प्रतिशतले बढाइएको छ भने तराई क्षेत्रका लागि यो वृद्धि करिब १५.७५ प्रतिशत रहेको छ।
तर कुन रुटमा के कति भाडादर तोकिने भन्ने आजै यातायात व्यवस्था विभागले निर्धारण गर्ने बताइएको छ ।
