काठमाडौं । नेपाल मानव अधिकार संगठनले राजधानीमा विरोध प्रदर्शन गरेको छ ।
अन्तर्राष्ट्रिय मानवअधिकार दिवसका अवशरमा संगठनले राजधानीको माइतिघरमा प्रदर्शन गरेको हो । संगठनका काठमाडौं जिल्ला सभापति रविनसिंह बस्नेतले मानव अधिकारका लागि जाग्न र उठ्ने यो अभियानलाई सशक्त रुपमा अगाडी बढाउने उद्देश्यले एक घाण्टा प्रदर्शन र धर्ना गरिएको बताउनुभयो ।
द्वन्द्वपीडितका समस्या, न्यायको भिख मागिरहेकी गंगामायाको अवस्थालाई मनन गर्दै अधिकारकर्मीहरु उठ्नुपर्ने र जाग्नुपर्ने उहाँले बताउनुभयो ।
विभिन्न कार्यक्रमहरुको आयोजना गरि ७१ औं अन्तर्राष्ट्रिय मानवअधिकार दिवस राजधानी लगायत देशभरी मनाईंदैछ ।
