काठमाडौं । नवनियुक्त महान्यायाधिवक्ता डा. नारायणदत्त कँडेलको शपथ ग्रहण आज सर्वोच्च अदालतमा हुने भएको छ ।
शपथ ग्रहण कार्यक्रम आज साँझ ५:१० बजे सर्वोच्च अदालतमा आयोजना गरिनेछ । सोही कार्यक्रममा उनलाई महान्यायाधिवक्ताको रूपमा औपचारिक रूपमा शपथ गराइनेछ ।
सरकारले आजै बसेको मन्त्रिपरिषद् बैठकमार्फत डा. कँडेललाई महान्यायाधिवक्तामा नियुक्त गर्ने निर्णय गरेको हो । नियुक्तिसँगै उनले सरकारको प्रमुख कानुनी सल्लाहकारको जिम्मेवारी सम्हाल्नेछन् ।
डा. कँडेल कानुनी क्षेत्रमा अनुभवी व्यक्तित्व हुन् । उनले बेलायतको क्विन्स विश्वविद्यालयबाट कानुनमा विद्यावारिधि गरेका छन् ।
