एजन्सी । बलिउड सुपरस्टार सलमान खानलाई शनिबार सर्पले टोकेको छ ।
भारतीय सञ्चारमाध्यमका अनुसार सलमान आफ्नो परिवारसँग शुक्रबार राती पनवेलस्थित आफ्नो फार्म हाउसमा क्रिसमस मनाउन गएका थिए ।
उनको फार्म हाउस पहाडी र वन क्षेत्रले घेरिएको छ । जहाँ धेरैजसो सर्प र अजिंगर निस्किन्छन् ।
सलमानलाई सर्पले डसेपछि मुम्बईस्थिति कमोठे इलाकास्थित एक अस्पतालमा बिहानै ३ बजे भर्ना गरिएको थियो । सलमान उपचारपछि उनलाई डिस्चार्ज गरिएको छ ।
उपचारपछि अभिनेता पुनः आइतबार बिहान ९ बजे आफ्नो फार्म हाउस फर्किएको र हाल उनको स्वास्थ्य स्थिति सामान्य रहेको भारतीय सञ्चारमाध्यमले जनाएका छन् ।
