काठमाडाैँ । चीनले आफ्नो अन्तरिक्ष स्टेशनमा मानव स्वास्थ्यसम्बन्धी अनुसन्धान कार्यक्रम सुरु गर्ने तयारी गरेको छ । चीन मानवयुक्त अन्तरिक्ष एजेन्सी का अनुसार, आगामी अप्रिल १ देखि प्रस्ताव आह्वान गरिनेछ । यो कार्यक्रम दीर्घकालीन अन्तरिक्ष यात्रा तथा भविष्यका चन्द्रमा अवतरण अभियानका क्रममा मानव स्वास्थ्य कसरी सुरक्षित राख्ने भन्ने विषयमा केन्द्रित हुनेछ ।
यसमार्फत अन्तरिक्ष मानव एटलस निर्माण, अनुसन्धान डेटाबेस स्थापना तथा नयाँ वैज्ञानिक उपलब्धि हासिल गर्ने लक्ष्य राखिएको छ । चीनको तियानगोङ अन्तरिक्ष स्टेशन (स्वर्गीय दरबार) मा यस्ता अन्तरिक्ष चिकित्सा अनुसन्धानहरू महत्वपूर्ण मानिन्छन् । सन् २०२३ जुनदेखि प्रस्ताव संकलन सुरु गरिएकोमा हालसम्म ३८७ परियोजना प्राप्त भइसकेका छन्, जसमध्ये ५३ परियोजना कार्यान्वयनमा गएका छन् । चीनले सन् २०३० सम्म मानवसहित चन्द्रमा अवतरण गर्ने लक्ष्य राखेको छ ।
यसै वर्ष तियानगोङमा दुई समूहका अन्तरिक्षयात्री पठाइनेछन्, जसमा एक जनाले एक वर्षभन्दा बढी समय कक्षामा बस्ने योजना छ । अनुसन्धानकत्र्री ली यिङहुई का अनुसार, चीनले अन्तरिक्ष चिकित्सा क्षेत्रमा उल्लेखनीय उपलब्धि हासिल गरिसकेको छ ।
यसमा अन्तरिक्षमा अंग–चिप तथा कृत्रिम रक्तनलीसम्बन्धी अनुसन्धान समावेश छन्, जसले मुटु स्वास्थ्य, स्नायु प्रणाली, बुढ्यौली तथा औषधि विकासमा सहयोग पु¥याएको छ । यो अनुसन्धानले अन्तरिक्षयात्रीहरूको मात्र नभई पृथ्वीमा रहेका सर्वसाधारणको स्वास्थ्य सुधारमा पनि योगदान पु¥याउने अपेक्षा गरिएको छ ।
