काठमाडौं । इंग्लिस प्रिमियर लिग फुटबल अन्तर्गत आर्सनलले फराकिलो जित निकालेको छ ।
आइतबार राति भएको खेलमा आर्सनलले नर्विच सिटीलाई ५-० गोल अन्तरले पराजित गरेको हो ।
नर्विचको मैदानमा भएको खेलमा आर्सनलका बुकायो साकाले छैटौं मिनेटमा गोल गर्दै सुरुवाती अग्रता दिलाए ।
खेलको ४४ औं मिनेटमा किरन टीएर्नेले गोल गर्दै आर्सनललाई २-० को स्थितीमा ल्याए ।
६७ औं मिनेटमा साकाले व्यक्तिगत दोस्रो गोल गर्दै आर्सनललाई ३-० को अवस्थामा ल्याए ।
यस्तै, खेलको ८४ औं मिनेटमा अलेक्जेन्डर लाकाजेटले पेनाल्टीमा गोल गर्दै आर्सनललाई ४(० ले अग्रता दिलाए ।
त्यसपछि खेलको इन्जुरी समयमा स्मिथ रोएले गोल गर्दै आर्सनललाई ५-० को जित दिलाए ।
जितसँगै आर्सनलले १९ खेलमा ३५ अंक जोडेको छ भने अंकतालिकाको चौंथो स्थानमा रहेको छ ।
यता, १८ खेल खेलेको नर्विच १० अंकसहित पुछारमा रहेको छ ।
