काठमाडौं । नेकपा एमालेका अध्यक्ष केपी शर्मा ओलीले माधव नेपाल सहित १४ सांसदलाई पदमुक्त गर्ने पार्टीको निर्णय कार्यन्वयन नगरी नयाँ दल दर्ता गर्ने निर्वाचन आयोग र सभामुखविरुद्ध दायर गर्नुभएको मुद्दा आज पेशीमा चडेको छ । न्यायधीश तेजवहादुर केसी र टंकबहादुर मोक्तानको सयुक्त ईजलासमा मुद्दाको पेशी तोकिएको छ ।
नेकपा एमालेले गत साउन २७ गते नेपालसहित १४ सांसदलाई निष्कासन गरेर सो पत्र निर्वाचन आयोग र संसद सचिवालयमा पठाएको थियो ।तर सभामुख अग्नि सापकोटाले निष्कासनको सुचना टाँस नगरेको र निर्बाचन आयोगले दल दर्ता गरेको भन्दै एमाले सर्बोच्च अदालत गएको थियो ।
एमालले सासंदहरु माधब नेपाल मुकुन्द न्यौपाने, भवानी खापुङ, कृष्णलाल महर्जन, जीवनराम श्रेष्ठ, विरोध खतिवडा, पुष्पा कर्ण कायस्थ, लक्ष्मी चौधरी, मेटमणी चौधरी, कल्याणी खड्का, रामकुमारी झाँक्री, कलिला खातुन, निरा जैरु र सरला यादवललाई पार्टीबाट निष्कासन गरेको थियो ।
