![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
सुपर कोपा इटालियाको उपाधि युभेन्ट्सलाई हराउँदै लाजिओले जितेको छ । आइतबार राति भएको फाइनलमा १० खेलाडीमा सिमित युभेन्ट्सलाई लाजिओले ३–१ गोल अन्तरले पराजित गरी सिजनको पहिलो उपाधि जित्न सफल रहेको हो । खेल साउदी अरबको किङ साउद युनिभर्सिटीको मैदानमा भएको थियो । लाजिओलाई जित दिलाउन लुइस अल्बेर्टो, सिनाडा लुलिक र डानिलो कटाल्डीले एक एक गोल गरेका थिए ।
![](https://newspolar.com/wp-content/uploads/2019/12/1577062459lajio-1000x665.jpg)
खेलको १६ औं मिनेटमा अल्बर्टोले गोल गर्दै लाजिओलाई अग्रता दिलाएका थिए । ४५ औं मिनेटमा डीबालाले गोल गर्दै युभेन्ट्सका लागि एक गोल फर्काएका थिए । ७३ औं मिनेटमा लुलिकले गोल गर्दै लाजिओको अग्रता २–१ को बनाए । खेलको ९० औं मिनेटमा रोड्रिगोले दुई पहेलो कार्डसहित रातो कार्ड पाउँदा युभेन्ट्स अन्तिम समय १० खेलाडीमा समेटिएको थियो ।
त्यसपछि खेलको इन्जुरी समयमा डानिलोले गोल गर्दै लाजिओलाई ३–१ को जित दिलाए । यस हारसँगै पुनः युभेन्ट्स लाजिओसँग पराजित भएको छ । यस सिजनको सिरी ए लिगमा समेत युभेन्ट्स लाजिओसँग पराजित भएको थियो ।