काठमाडौँ । राष्ट्रिय स्वतन्त्र पार्टी (रास्वपा) का उपसभापति डोल प्रसाद अर्याल (डीपी) को भनाइलाई तोडमोड गरेर गलत प्रचार गरिएको रास्वपाले जनाएको छ ।
अर्यालको अभिव्यक्तिलाई आफू अनुकुल व्याख्या गरेर गलत अर्थ लगाइएको रास्वपाका एक नेताले न्यूजपोलारलाई जानकारी दिनुभयो । शनिवार सञ्चारकर्मीले सोधेको सङ्क्षिप्त पश्नको कुराकानीलाई तोडमोड गरेर प्रचार भएको सो पार्टीले जनाएको छ ।
बालेनलाई रास्वपाले प्रधानमन्त्री नबनाउने भनेको, बालेनलाई प्रधानमन्त्री बनाउने कुरामा चपाएर कुरा गरेको भनेर अहिले कतिपयले अर्यालको आलोचना गरिरहेका छन । ती नेताले भन्नुभयो अर्यालको भनाईलाई पुरै तोडमोड गर्ने काम भयो ।
उहाँले भन्नुभयो “अर्यालले अभिव्यक्त गरेका विचारको केही अंशलाई मात्र लिई अपव्याख्याको अभ्यास भएको छ यसबाट कसैमा पनि दुविधा हुन आबश्यक छैन ।”
ती नेताले भन्नुभयो “प्रश्नमा खोजिएको उत्तरसँग असहमति थिएन, छैन र होइन । हाम्रो सहमतिको भाषामा चाहिँ एउटा शब्द फरक छ भनिएको मात्र हो । संविधान त प्रधानमन्त्री पार्टीले नियुक्त गर्ने नभै सम्मानीय राष्ट्रपतिबाट नियुक्त हुने व्यवस्था हुन्छ । व्यक्तिले प्रधानमन्त्री बनाउने भन्नु अपरिपक्व हुने भएकाले संसदीय दलको सहमतिको प्रकृया अवलम्वन गरेर बनाउँछौँ भन्नु भएको हो ।”
उहाँले भन्नुभयो ‘रास्वपाले बरिष्ठ नेता बालेन्द्र शाहलाई संसदीय दलको नेता तथा प्रधानमन्त्रीको उम्मेदवार बनाउने भनेर सहमती गरिसकेका छौँ । प्रकृया मार्फत यही नै निर्णय हुन्छ । शंका र दुविधा गराउने आशयले समाचार बनाउन आबश्यक छ्रैन ।
गत माघ १३ गते रास्वपा र काठमाडौँ महानगरका मेयर बालेनबीच सहमति भएको थियो । सो सहमतिमा बालेनलाई पार्टीमा वरिष्ठ नेताको जिम्मेवारीमा ल्याउँदै रास्वपाले प्रधानमन्त्रीको उम्मेदवार बनाएर चुनावमा होमिने समझदारी बनाएको थियो ।
