काठमाडौँ । गृहमन्त्री ओमप्रकाश अर्यालले हाल सम्पन्न निर्वाचनलाई शान्तिपूर्ण र हिंसारहित भएको भन्दै यसलाई मुलुक, संविधान र मानवताको सुरक्षा सुनिश्चित गर्ने महत्वपुर्ण प्रक्रिया रहेको बताएका छन् ।
उनका अनुसार यो निर्वाचनले हाम्रो मुलुक, संविधान र मानवतालाई जोखिममा पर्नबाट बचाएकाे छ । “अब हामीले निष्पक्ष र गुणस्तरीय चुनाव सम्पन्न गरेका छौँ। यसपालि एक थोपो रगत नखसिकन मतदान सम्पन्न भयो। हाम्रो सरकार गठन भएदेखि राजनीतिक हिंसाबाट रगतको थोपो खसेको छैन र यसले प्रत्याभूतिलाई अझ बलियो बनाएको छ,” उनले भने।
गृहमन्त्री अर्यालले चुनावको क्रममा भएका एक–दुई साना झडपहरूलाई रोकथाम गरी नियन्त्रणमा राखिएको पनि बताए। उनले अघि भने, “पहिलापहिला धेरै स्थानमा चुनाव स्थगित हुनुपर्थ्यो र पुनः मतदान गराउनुपर्ने हुन्थ्यो। तर यसपालि देशभरि एकैचोटि मतदान सम्पन्न भएको छ र कुनै पनि स्थानमा स्थगन आवश्यक परेन।”
उनले राजनीतिक सुशासनका मानकलाई अझ सुदृढ गर्ने र भविष्यमा आउने सरकारले ती मानकलाई कमजोर नपारोस् भन्ने लक्ष्यसहित काम गरिएको बताए।
