झापा: देशभर करिब ६० प्रतिशत मत खसेको अनुमान निर्वाचन आयोगले बताइरहेको बेला झापाको क्षेत्र नं. ५ मा भने ६५ प्रतिशत मतदान भएको छ ।
निर्वाचन कार्यालय झापाका अनुसार झापा ५ मा १ लाख ६ हजार ३७२ ले मतदान गरेका छन् । जसमा पुरुषको संख्या ४९ हजार ४०० छ भने महिलाको संख्या ५६ हजार ९७२ रहेको छ ।
यस क्षेत्रमा एक लाख ६३ हजार ३७९ मतदाता रहेका छन् ।
यस क्षेत्रमा नेकपा एमालेका अध्यक्ष केपी शर्मा ओली र रास्वपाका वरिष्ट नेता बालेन शाह उम्मेदवार रहेका कारण देश विदेशमै चर्चाको शिखरमा छ । यहाँ मतपेटिका संकलन गरेपछि आजै रातिदेखि मतगणना गर्ने गरी तयारी भएको छ ।
