काठमाडौँ। ग्रीकमा दर्जनौं प्रदर्शनहरूमा हजारौं मानिसहरू सहभागी भएका छन् । यस दुर्घटनामा ५७ जनाको ज्यान गएको थियो । पीडित परिवारहरूको संघद्वारा आयोजित मुख्य ¥याली ग्रीक संसद भवन अगाडि भएको थियो ।
यसलाई विपक्षी दलहरू र श्रम युनियनहरूले समर्थन गरेका थिए, जसले २४ घण्टे हड्ताल पनि आह्वान गरेका थिए जसले सार्वजनिक यातायात सेवाहरू प्रभावित भए ।
विद्यार्थी संघहरू पनि यस आन्दोलनमा सामेल भएका थिए । किनकि पीडितहरूको अधिकांश विश्वविद्यालयका विद्यार्थीहरू थिए जो छुट्टीपछि पढाइमा फर्किरहेका थिए । प्रदर्शनकारीहरूले न्यायको माग गर्दै ब्यानर बोकेका र नारा लगाएका थिए ।यो र्याली रेलवेका दर्जनौं कर्मचारी र अधिकारीहरूको मुद्दा शुरु हुनुअघि भएको हो ।
जुन मार्च २३ बाट शुरु हुँदैछ । पीडित परिवारहरू, विपक्षी दलहरू र प्रदर्शनकारीहरूले सरकारमाथि अनुसन्धानलाई गलत तरिकाले ह्यान्डल गरेको र कभर–अप गरेको आरोप लगाएका छन् ।
उनीहरूले राजनीतिज्ञहरूमाथि पनि अभियोग लगाउन माग गरेका छन् । जसलाई रेल सुरक्षाको कमीका लागि जिम्मेवार ठानिन्छ जसले यात्रु रेल र मालवाहक रेलबीच ठोक्किने कारण बनेको थियो ।
दुर्घटना पछि सरकारले रेलवे पूर्वाधार सुधार्ने र सञ्चालन समस्याहरू सम्बोधन गर्ने प्रतिबद्धता जनाएको थियो । यो घटनाले ग्रीसमा ठूलो राजनीतिक र सामाजिक बहस निम्त्याएको छ, र न्यायको माग अझै तिब्र छ । सिन्ह्वा/न्युज एजेन्सी नेपाल
