भद्रपुर । भानुभक्त सुवेदी कुभिण्डेलीको पाँचौं कृति भूतको राज्य कथा संग्रहको विमोचन गरिएको छ । भाषाविद चुडामणि रेग्मी तथा साहित्यकार सरला चापागाईले सम्युक्त रूपमा कुभिण्डेलीको कथा संग्रहको विमोचन गरेका हुन् ।
शुशेली साहित्य परिवार काँकरभिट्टाले आयोजना गरेको वेदकुमारी रेग्मी कर्मठ महिला पुरस्कार वितरण कार्यक्रमको अवसर पारेर विमोचित सो कथा संग्रह तथा कथाकारको बारेमा शारदा शर्मा घिमिरेले प्रकाश पारेकी थिइन् ।
कुभिण्डेली भोजपुर स्थित रामप्रसाद राई गाउा पालिकाको पञ्चकन्या माध्यमिक विद्यालयका शिक्षक हुन् भने उनका दर्जन बढी कृतिहरू प्रकाशनको तयारीमा छन् । कार्यक्रममा वेदकुमारी रेग्मी कर्मठ महिला पुरस्कारबाट लिजा किस्कुलाई पुरस्कृत गरिएको थियो ।
