काठमाडाैँ । आगामी फागुन २१ गते हुने प्रतिनिधिसभा सदस्य निर्वाचनमा खटिने कर्मचारीका लागि सुनसरीमा तालिम सुरु भएको छ।
जिल्ला निर्वाचन कार्यालयका अनुसार १६७ मतदानस्थलमा खटिने कर्मचारीलाई निर्वाचन सुरक्षा, लाइन व्यवस्थापन र अन्य आवश्यक विषयमा तालिम दिइएको हो।
जिल्ला निर्वाचन अधिकारी कृष्ण पौडेलले तालिम इनरुवा–५ स्थित सारदा माध्यमिक विद्यालयमा आयोजना गरिएको जानकारी दिए। सुनसरीमा चार निर्वाचन क्षेत्र रहेको र तालिम शुक्रबारसम्म चल्ने निर्वाचन कार्यालयले जनाएको छ।
