काठमाडौँ । राष्ट्रिय संस्थागत विद्यालय संघ नेपाल (निसान) द्वारा आयोजना गरिएको प्री–प्राइमरी तहको अन्तरविद्यालय बाल नृत्य प्रतियोगितामा कागेश्वरी मनोहरा नगरपालिकास्थित बाल गीताञ्जली स्कुलले सान्तवाना स्थान हासिल गरेको छ। प्रतियोगितामा कुल २९ विद्यालयले सहभागिता जनाएको थियो।
विद्यालयका प्रिन्सिपल महिन्द्र राज घिमिरेले साना विद्यार्थीहरूले उत्साह र मेहनतका साथ प्रस्तुत गरेको नृत्य साँच्चिकै मनमोहक रहेकाे बताए ।उनले भने,”यस सफलता साना नानीहरूको प्रतिभा र आत्मविश्वासको परिचाय हो। भविष्यमा पनि उनीहरूलाई नृत्य र सिर्जनात्मक क्षेत्रमा सफलताको शुभकामना दिन्छौं।”
बाल गीताञ्जली स्कुलले प्राप्त गरेको यो सान्तवाना स्थानले विद्यालयका शिक्षक, अभिभावक र विद्यार्थीहरूमा उत्साह थपेको छ। आयोजक संस्थाले सहभागी सबै बालबालिकालाई प्रोत्साहन र आगामी दिनमा नृत्य क्षेत्रमा अझ प्रगति हासिल गर्न शुभकामना दिएको छ।
