काठमाडौं । नेपाली महिला टोलीले एभीसी सेन्ट्रल जोन भलिबलको उपाधि जितेको छ । आज (मङ्गलबार) भएको फाइनलमा उज्वेकिस्तानलाई तीन–दुईको सेटमा हराउँदै नेपालले उपाधिमाथि कब्जा गरेको हो ।
बङ्गलादेशको मिरमुरमा रहेको शाहिद शुरवार्दी इन्डोर स्टेडियममा भएको खेलमा नेपालले पहिलो सेट २५–२४ ले जित्दा दोस्रो सेटमा उज्वेकिस्तान २५–२४ ले विजयी भयो ।
यस्तै, तेस्रो सेट नेपालले २५–१५ ले जित्दा चौथो सेट उज्वेकिस्तानले २५–२२ ले जित्यो । योसँगै खेल २–२ को अवस्थामा पुग्यो । त्यसपछि साविक विजेता नेपालले पाँचौँ सेट १५–१० ले जित्दै उपाधिमाथि कब्जा जमायो । यससँगै नेपाल अपराजित रहदै लगातार दोस्रो पटक च्याम्पियन बनेको हो ।
नेपालको यो दोस्रो अन्तराष्ट्रिय उपाधि समेत रहेको छ । यस्तै पुरुषतर्फ नेपालले तेस्रो स्थानका लागि उज्वेकिस्तानसँग खेल्दैछ । नेपाल र उज्वेकिस्तानबीचको खेल जारी छ ।
