काठमाडौं । टी–२० विश्वकपमा क्यानडाले युवा खेलाडी युवराज समराको शतकमा न्यूजिल्यान्डलाई १७४ रनको लक्ष्य दिएको छ ।
चेन्नईस्थित एमए चिदम्बम् मैदानमा टस जितेर पहिला ब्याटिङ रोजेको क्यानडाले २० ओभरमा ४ विकेटको क्षतिमा १७३ रन बनायो ।
क्यानडाको लागि १९ वर्षिय युवराज समराले शतक बनाए । उनले ६५ बलमा ११ चौका र ६ छक्काको सहयोगमा ११० रन जोडे । यससँगै, उनी टी-२० विश्वकपको इतिहासमा शतक बनाउने सबैभन्दा कान्छा ब्याट्सम्यान बनेका छन् । यसअघि पाकिस्तानका अहमद शहजादले २०१४ मा बंगलादेशविरुद्ध २२ वर्ष १२७ दिनको उमेरमा शतक बनाएका थिए । यस्तै, जारी प्रतियोगितामा शतक बनाउने उनी दोस्रो खेलाडी हुन् । यसअघि सोमबार श्रीलंकाका पाथुम निसान्काले १०० रन बनाएका थिए ।
यस्तै, क्यानडाका दीलप्रित बजवाले ३६ रन बनाउदा नवजित थालिवालले १० रनको योगदान दिए ।
बलिङतर्फ न्यूजिल्यान्डका म्याट हेनरी काइली जेमिनसन, जिम्मी निशम र जाकोव डुफीले एक–एक विकेट लिए ।
अहिले न्यूजिल्यान्डले जवाफि ब्याटिङ गरिरहेको छ ।
