काठमाडौँ । नेकपा एमालेका अध्यक्ष केपी शर्मा ओली मनलाई स्वतन्त्र, शान्त र आनन्दित बनाउने प्रतीकात्मक स्वरूप नै पशुपतिनाथ भएको जनाउनु भएको छ ।
महाशिवरात्रिका अबसरमा आज एक शुभकामना सन्देश जारी गर्दे ओलीले महाशिवरात्रि उपवास, जागरण र अन्तर्मनबीच संवाद गर्ने पर्व भएको जनाउनु भएको छ ।
सामाजिक संञ्जालमा उहाँले लेख्न्नु भएको छ ।
आज महाशिवरात्रि ।
यो पवित्र रात्रि उपवास, जागरण र अन्तर्मनबीच संवाद गर्ने पर्व हो। ‘पशु’ अर्थात् बन्धनमा बाँधिएको चेतनालाई मुक्त गराउने र लोभ, क्रोध, मोह, अहंकार लगायत सबै पाश९बन्धन०हरूबाट निकालेर मनलाई स्वतन्त्र, शान्त र आनन्दित बनाउने प्रतीकात्मक स्वरूप नै पशुपतिनाथ हुन्।
ऊर्जाको तेजमय प्रवाहलाई संयममा राख्ने सामर्थ्य, विषको पीडा सामना गरेर पनि शान्त रहने धैर्य र नश्वरता सम्झँदै अनासक्त जीवन जिउने सन्देश पशुपतिनाथले दिएका छन्।
बाहिरको कोलाहलमा होइन, भित्रको विवेकमा सत्य निहित छ। आजको यस दिनमा सबैले विवेकको सत्य फेला पार्न सकुन् र आत्मबोधको ज्योति प्रज्ज्वलित होओस्।
जय राष्ट्रदेव, महादेव भगवान पशुपतिनाथ !
हर हर महादेव !
शुभ महाशिवरात्रि
