रौतहट । जिल्लाको चन्द्रपुर–गौर सडकखण्डमा स्कारपियो दुर्घटना हुँदा ४ जनाले ज्यान गुमाएका छन् । यस्तै, दुर्घटनामा परी ३ जनाको अवस्था गम्भरी रहेको बताइएको छ ।
गढीमाई नगरपालिका गम्हरिया टोलबाट परोहा नगरपालिकाको नरकटिया टोलमा जन्ती लिएर गएको भारतीय गाडी बिआर शून्य ५ पिए ६९५३ नम्बरको रातो स्कारपियोे फर्किने क्रममा दुर्घटनामा परेको थियो ।
स्कारपियो आफैँ अनियन्त्रित भई बिजुलीको पोलमा ठोक्किँदा ४ जनाको घटनास्थलमै मृत्यु भएको हो ।
दुर्घटनामा गम्भीर घाइते भएका तीन जनाको स्थानीय अस्पतालमा उपचार भइरहेको छ । मृतकको सनाखत हुन बाँकी रहेको छ ।
दुर्घटनाको थप विवरण आउन बाँकी छ ।