काठमाडौं । सत्तारूढ दल नेपाल कम्युनिस्ट पार्टी (नेकपा) स्थायी कमिटी सदस्य देवेन्द्र पौडेलले संसद्बाट ‘एमसीसी’ पारित हुने दाबी गरेका छन् । ‘प्रमुख प्रतिपक्षी दलले पनि पारित गर्नुपर्छ भनेको छ, प्रधानमन्त्रीले पनि यसलाई अघि बढाउन चाहनुभएको छ,’ राजधानीमा मंगलबार आयोजित साक्षात्कारमा पूर्वमन्त्रीसमेत रहेका पौडेलले भने, ‘नेपालमा थुप्रै राष्ट्रका सहयोग र अनुदान चलिरहेकाले ती कार्यक्रम संसद्बाट पारित नभएका पनि छन् ।’
‘एमसीसी कम्प्याक्ट’बारे आफूहरूले गहन अध्ययन तथा अनुसन्धान गरेरै बोलेको पनि पौडेलले स्पष्ट पारे । कांग्रेस नेता तथा पूर्वमन्त्री भीमसेनदास प्रधानले सभामुखमा उम्मेदवारी दिएका सापकोटाले ‘कसैको पनि आग्रह र पूर्वाग्रहमा काम गर्न नहुने’ सुझाव दिए ।
राष्ट्रिय जनमोर्चा अध्यक्ष तथा पूर्वउपप्रधानमन्त्री चित्रबहादुर केसीले सभामुखका लागि नेकपाले योग्य उम्मेदवार बनाएको जिकिर गरे । राष्ट्रिय प्रजातन्त्र पार्टी (संयुक्त) अध्यक्ष पशुपति शमशेर जबराले एमसीसीबारे अहिल्यै राष्ट्रिय रूपमा चर्चा तथा परिचर्चा भएको सुनाए । नेपालले राष्ट्रिय स्वार्थ र हित केन्द्रमा राखेर काम गर्नुपर्ने उनको सुझाव छ ।
