काठमाडौं । आईएमई लाइफ इन्स्योरेन्स कम्पनी लिमिटेडले नेसनल एन्टि मनी लण्डरिङ डे को अवसरमा आफ्ना एजेन्सी लिडरहरूलाई सम्पत्ति शुद्धीकरण, आतंककारी कार्य तथा आम विनाशकारी हातहतियार निर्माण वा विस्तारमा हुने वित्तीय लगानी निवारण (AML/CFT) सम्बन्धी तालिम प्रदान गरेको छ।
तालिम कार्यक्रममा जीवन बीमा क्षेत्रमा हुन सक्ने सम्भावित जोखिमको पहिचान तथा रोकथाम, सम्पत्ति शुद्धीकरण निवारणसम्बन्धी कानून, नेपाल बीमा प्राधिकरणबाट जारी निर्देशिका तथा निर्देशनहरू लगायतका विषयमा सहभागीहरूलाई जानकारी गराइएको थियो।
कम्पनीका अनुसार, सम्पत्ति शुद्धीकरण निवारणसम्बन्धी कानूनको प्रभावकारी पालना गर्दा संस्थागत सुशासन सुदृढ हुने र ग्राहकको विश्वास बढ्ने विश्वास लिइएको छ।
तालिम कार्यक्रमको समापन समारोहमा बोल्दै कम्पनीका प्रमुख कार्यकारी अधिकृत पवन कुमार खड्काले सम्पूर्ण अभिकर्ता तथा एजेन्सी लिडरहरूलाई AML/CFT सम्बन्धी कानुनी व्यवस्थाहरू पूर्णरूपमा पालना गर्न प्रतिबद्ध भएर लाग्न निर्देशन दिनुभयो।
कम्पनीले आगामी दिनमा पनि यस्ता सचेतनामूलक तथा क्षमता अभिवृद्धि कार्यक्रमलाई निरन्तरता दिने जनाएको छ।
