जनकपुरधाम । राजेन्द्र महतो नेतृत्वको राष्ट्रिय मुक्ति पार्टी नेपालका नेता तथा कार्यकर्ताहरूले पार्टी परित्याग गर्ने घोषणा गरेका छन्।
दलगत संकीर्णता र व्यक्ति केन्द्रित राजनीतिले देशलाई गम्भीर संकटतर्फ धकेलेको निष्कर्ष निकाल्दै उनीहरूले वर्तमान पार्टी संरचनाभन्दा बाहिर रहेर नयाँ राजनीतिक यात्रामा अघि बढ्ने निर्णय गरेका हुन्।
पार्टी परित्याग गर्ने १२ नेताहरूले आफ्नो आगामी राजनीतिक यात्राबारे केही दिनभित्र औपचारिक रूपमा सार्वजनिक गर्ने जनाएका छन्।
देशको समावेशी लोकतन्त्र, सुशासन र राजनीतिक स्थायित्वका लागि वैकल्पिक राजनीतिक पहल आवश्यक भइसकेको उनीहरुको निष्कर्ष छ।
