दाङ । लुम्बिनी प्रदेशबाट राष्ट्रियसभा सदस्यमा गुल्मीकी रामकुमार झाँक्री निर्वाचित भएकी छन्। महिला समूहअन्तर्गत नेकपा (एमाले)की उम्मेदवार झाँक्रीले ६ हजार ३०३ मतभार प्राप्त गर्दै विजयी भएकी हुन्।
झाँक्रीका प्रतिस्पर्धी नेपाली कम्युनिष्ट पार्टीकी दुर्गा कुमारी भण्डारीले १ हजार ३६२ मतभार प्राप्त गरेकी थिइन्। यसैगरी राष्ट्रिय जनमोर्चाकी उम्मेदवार पद्मा पण्डित पनि महिला समूहबाट चुनावी प्रतिस्पर्धामा थिइन्।
निर्वाचनमा प्रदेशसभा सदस्यतर्फ महिला ३० र पुरुष ४८ गरी कुल ८३ मत खसेको थियो। त्यसैगरी स्थानीय तहअन्तर्गत २१७ मतदातामध्ये ९ जना मतदाता अनुपस्थित रहेका थिए।
निर्वाचनको अन्तिम मतपरिणाम अनुसार झाँक्रीले स्पष्ट मतभारका साथ राष्ट्रियसभा सदस्यमा विजय हासिल गरेकी हुन्।
