कोपनहेगन। अमेरिकी राष्ट्रपति डोनाल्ड ट्रम्पले नेटोका सहयोगीहरू अफगानिस्तानको अग्रमोर्चाबाट टाढा रहेको भनी सार्वजनिक गरेको अमेरिकी भनाइको आलोचना गर्नुभएको छ ।
“डेनिस दिग्गजहरूले यो आरोपले कति पीडा दिन्छ भन्ने कुनै पनि शब्दले वर्णन गर्न नसकिने बताएका छन् र मलाई यो थाहा छ,” उहाँले सामाजिक सञ्जाल फेसबुकमा लेख्नुभएको छ।
उहाँले भन्नुभयो, “अमेरिकी राष्ट्रपतिले अफगानिस्तानमा सहयोगी सैनिकको प्रतिबद्धतामाथि प्रश्न उठाउनु स्वीकार्न नसकिने बिषय हो।”
‘डेनिस भेट्रान एसोसिएसन’ ले यसअघि ट्रम्पको भनाइलाई आलोचना गर्ने ‘कुनै पनि शब्दले पुग्ने छैन अभाव हुनेछ’।” सङ्घले जारी गरेको विज्ञप्तिमा भनिएको छ, “डेनमार्क सधैं अमेरिकाको पक्षमा उभिएको छ र अमेरिकाले आग्रह गर्दा हामी संसारभरका सङ्कटग्रस्त क्षेत्रमा उभिएका छौँ ।”
ट्रम्पको टिप्पणीको विरोधमा डेनमार्कका दिग्गजहरूले जनवरी ३१ मा कोपनहेगनमा मौन जुलुसको आह्वान गरिरहेका छन्। डेनमार्कका प्रधानमन्त्रीले भन्नुभयो, “डेनमार्क नेटो देशमध्ये एक हो जसले प्रतिव्यक्ति सबैभन्दा बढी नोक्सानी बेहोरेको छ ।”
डेनमार्कको जनसंख्या सन् २००३ मा करिब ५४ लाख थियो र डेनिस समाचार एजेन्सी रिजाउका अनुसार पछिल्ला वर्षहरूमा करिब १२ हजार डेनिस सैनिक र नागरिकहरू अफगानिस्तान पठाइएको थियो ।
“प्रिय प्रवुद्ध मित्रहरू, म तपाईंको परिवार र तपाईंका प्रियजनहरूको पक्षमा छु, जो कुनै पनि हिसाबले आलोचनाको योग्य छैनन्,” उहाँले थप्नुभयो ।
फक्स न्यूजसँगको अन्तर्वार्तामा ट्रम्पले नेटोले अफगानिस्तानमा केही सेना पठाएको बताउनुभएको थियो । “उनीहरूले सैनिक पठाए तर तिनीहरू अग्र पङ्तीबाट अलि पछाडि बसे,” उहाँले भन्नुसभयो । यसले अफगानिस्तानमा नेटो मिसनको क्रममा ४५७ सैनिकहरू गुमाएको बेलायतमा आक्रोश निम्त्याएको छ।
द्वन्द्वमा क्यानडा, फ्रान्स, जर्मनी, इटाली, डेनमार्कलगायतका देशका सैनिकको पनि उल्लेख्य मात्रामा मृत्यु भएको थियो । बेलायतका प्रधानमन्त्री केइर स्टार्मरले शुक्रबार भन्नुभयो, “म राष्ट्रपति ट्रम्पको टिप्पणीलाई अपमानजनक र स्पष्ट रूपमा चिन्ताजनक ठान्छु । यसले अफगान युद्धमा मारिएका वा घाइते भएकाका प्रियजनहरूलाई मलाई जस्तै चोट पुर्यायो भन्नेमा कुनै शङ्का छैन ।
ह्वाइट हाउसले स्टार्मरको टिप्पणीलाई अस्वीकार गर्दै ट्रम्पको बचाउ गरेको छ।
ह्वाइट हाउसकी प्रवक्ता टेलर रोजर्सले भन्नुभएको छ, “राष्ट्रपति ट्रम्प बिल्कुल सही हुनुहुन्छ । संयुक्त राज्य अमेरिकाले नेटोका लागि गठबन्धनमा रहेका अन्य कुनै पनि देशले गरेको भन्दा बढी गरेको छ । (रासस/एएफपी)
