काठमाडौँ । नेपाली कांग्रेसका सभापति गगन थापालाई आगामी निर्वाचनका लागि प्रधानमन्त्रीको उम्मेदवार घोषणा गर्न केन्द्रीय कार्यसमिति बैठकमा प्रस्ताव पेश गरिएको छ।
उक्त प्रस्ताव उपसभापति विश्वप्रकाश शर्माले पार्टी केन्द्रीय कार्यालय सानेपा में बसेको केन्द्रीय कार्यसमिति बैठकमा पेश गरेका हुन्। शर्माले गगन थापालाई प्रधानमन्त्रीको उम्मेदवार किन बनाउने भन्ने विषयमा विभिन्न आधार र बुँदाहरू प्रस्तुत गर्दै प्रस्ताव अघि सारेका थिए।
उनले मुलुकको वर्तमान विशिष्ट परिस्थितिलाई सही ढंगले सम्बोधन गर्न गगन थापा उपयुक्त उम्मेदवार भएको तर्क बैठकमा राखेका छन्। पार्टीभित्र स्पष्ट नेतृत्व र जनअपेक्षाअनुसारको निर्णय आवश्यक रहेको भन्दै उनले केन्द्रीय कार्यसमितिका सदस्यहरूलाई प्रस्ताव पारित गर्न आग्रह गरे।
‘केन्द्रीय कार्यसमितिका सबै आदरणीय साथीहरूलाई सभापति श्री गगन थापालाई आगामी निर्वाचनका लागि नेपाली कांग्रेसको तर्फबाट प्रधानमन्त्रीको उम्मेदवारका रूपमा अघि सार्ने प्रस्ताव पारित गरिदिनुहुन अनुरोध गर्दछु,’ शर्माले प्रस्ताव प्रस्तुत गर्दै बैठकमा भने।
उक्त प्रस्तावमाथि केन्द्रीय कार्यसमितिमा छलफल जारी रहेको छ।
