काठमाडौँ। मलेसियामा रहेको विश्वकै ठूलो आइटी कम्पनीले शुन्य लागतमा नेपाली श्रमिक लैजाने भएको छ ।
बुधवार काठमाडौंमा पत्रकार सम्मेलनको आयोजना गर्दै उक्त जानकारी दिइएको हो । मलेसियाको विस्टर्न टेक्नोलोजी र नेपालस्थित मेनपावर कम्पनी आकर्षण इन्टरनेशनल र लालधनुष इन्टरनेशनलबीच शुन्य लागतमा कामदार पठाउने सम्बन्धमा द्विपक्षीय सम्झौता छ ।
सम्झौताअनुसार दुई मेनपावर कम्पनीमार्फत उक्त कम्पनीका लागि ८०० जना नेपाली कामदार शून्य लागमा जान पाउने आकर्षण इन्टरनेसनलका अध्यष विष्णुबहादुर केसीले बताउनुभयो ।
उहाँका अनुसार आकर्षण इन्टरनेशनलबाट ३०० महिला र १०० पुरुष गरी ४०० जना तथा लालधनुषबाट समेत ३०० महिला र १०० जना पुरुष गरी ४०० जना मलेसिया जाँदैछन् ।
उहाँले भन्नुभयो, ‘हामीले आकर्षण इन्टरनेसनल प्रा.लि. र लालधनुष इन्टरनेसनल प्रा.लि.ले विगतमा जस्तै कामदार पठाउनेसम्बन्धी जानकारी दिनको लागि पत्रकार सम्मेलनको आयोजना गरिएको हो । विगत दश वर्ष देखि आकर्षणले शून्य लागतमा काम गर्दै आइरहेको छ ।
मलेसियाबाट हामीले लिएर आउने कम्पनीहरु एकदमै थोरै हुनुहुन्छ । सम्झौताअनुसार उक्त कम्पनीमा दुई मेनपावर कम्पनीमार्फत नेपाली श्रमिक शून्य लागतमा मलेसिया जान पाउनेछन् ।
अहिले आकर्षण इन्टरनेशनलबाट ३०० महिला र १०० पुरुष कामदारको लागि डिमाण्ड प्राप्त गरेर अन्तवार्ताको प्रक्रिया अगाडि बढाइरहेका छौँ । लालधनुषमा पनि त्यति नै संख्यामा डिमाण्ड प्राप्त भएको म जानकारी गराउन चाहन्छु ।’
श्रमिक छनोटका लागि अन्तर्वार्ता प्रक्रिया अगाडि बढिसकेको समेत उहाँले जानकारी दिनुभयो । –न्युज एजेन्सी नेपाल
