काठमाडौं । पूर्वराजा ज्ञानेन्द्र शाह तथा पूर्वरानी कोमल राज्य लक्ष्मी शाह माघ १२ गते जनकपुरधाम जानुहुने भएको छ।
जनकपुरधाम भ्रमणका क्रममा उहाँहरूले ऐतिहासिक जानकी मन्दिरको दर्शन गर्ने कार्यक्रम रहेको बताइएको छ।
शाह दम्पतीको भ्रमण धार्मिक प्रयोजनका लागि तय गरिएको जनाइएको छ। जानकी मन्दिर दर्शनपछि उहाँहरूले स्थानीय धर्मगुरु तथा सर्वसाधारणसँग पनि भेटघाट गर्ने सम्भावना रहेको स्रोतले जनाएको छ।
पूर्वराजा शाहको जनकपुरधाम भ्रमणलाई विशेष चासोका रूपमा हेरिएको छ।
