काठमाडौं । विश्वकै नम्बर एक ब्याडमिन्टन खेलाडी साइना नेहवाल भारतीय जनता पार्टी (भाजपा)मा प्रवेश गरेकी छिन्। बुधबार नेहवाल उनकी दिदी चन्द्रान्शुसँगै भाजपामा प्रवेश गरेकी हुन्।
‘प्रधानमन्त्री मोदी देशका लागि कडा मेहनत गरिरहेका छन्, उनले मलाई प्रेरणा दिएका छन्,’ नेहवालले भनिन्, ‘उनीसँग काम गर्न पाउनु मेरोलागि सौभाग्यको कुरा हो।’
२९ वर्षीया नेहवालले २४ उपाधी जितेकी छिन् भने उनको करिअरमा ४३१ जित रहेको छ। गत वर्ष पनि भारतका चर्चित क्रिकेट खेलाडी गम्भीर गौतम र कुस्तीवाज बबिता फोगटले पनि भाजपा प्रवेश गरेका थिए।
