हेटाैंडाः शहीद स्मारक एवं प्रजातान्त्रिक पार्कको उद्घाटन गर्न मंगलबार हेटौडा पुगेकी राष्ट्रपति बिद्यादेबी भण्डारी सोफामा बसेको फोटो सामाजिक सञ्जालमा भाइरल भएको छ । पार्कको उद्घाटन गर्न हेलिकोप्टर चढेर हेटौंडा पुगेर फर्कने क्रममा फेरि प्रदेश प्रमुख, मुख्यमन्त्री र मन्त्री सबै बिदाइ गर्न हेलिप्याडमा आए ।
उनीहरुले राष्ट्रपतिसँग फोटो खिचाउने रहर गरेपछि नजिकैको कार्यलयबाट सोफा बोकेर ल्याइयो । सोफामा राष्ट्रपतिलाई राखेर अरु लहरै उभिए। फोटो खिच्ने रहर त पूरा भयो तर हेलिप्याडमा नै सोफा राखेर फोटो खिच्ने कुरा भने असुहाउँदाे भएकाे भन्दै सामाजिक संजालमा तिब्र अालाेचना भएकाे छ ।
