काठमाडौँ: पूर्व सांसद अमरेशकुमार सिंह राष्ट्रिय स्वतन्त्र पार्टीमा प्रवेश गर्ने भएका छन् । जनकपुरमा रास्वपाले यही माघ ५ गते आयोजना गर्न लागेको चुनावी सभामा सिंह पार्टी प्रवेश गर्न लागेको फेसबुकमार्फत् उनले जानकारी दिएका छन् ।
नेता सिंहले सर्लाही–४ बाट २०७९ मा स्वतन्त्र सांसद जितेका थिए । उनी त्यसअघि नेपाली कांग्रेसमा आबद्ध थिए । विसं २०७९ को निर्वाचनमा कांग्रेसले टिकट नदिएपछि उनी स्वतन्त्र उठेर जितेका थिए ।
रास्वपामा प्रवेशका लागि उनी पछिल्लो समय काठमाडौं महानगरपालिकाका मेयर बालेन शाहसँग नियमित छलफलमा थिए ।
