काठमाडाैंः प्रधानमन्त्री निवास बालुवाटारमा मंगलबार साँझ अनाैठाे परिदृश्य देखियाे । स्वास्थ्यका कारण निकै सकस झेलिरहेका प्रधानमन्त्री निवास बालुवाटार सांगीतिक माहाेलमा लुटुपुटु थियाे । खासमा प्रधानमन्त्री केपी ओली स्वयं बाँसुरी बजाउन तम्सिएपछि आयोजक थप हाैसिनु स्वाभाविक थियाे ।
मदन भण्डारी कला साहित्य प्रतिष्ठानको आयोजनामा मंगलबार बेलुका सारंगी साँझ आयोजना गरिएको थियो । कार्यक्रममा नेकपाका सचिवालय सदस्य र मन्त्रीहरुलाई आमन्त्रण गरिएको थियो । त्यस कार्यक्रममा प्रधानमन्त्री केपी शर्मा ओलीले बासुरी बजाएका थिए । उनीसँगै दाहिने र देब्रेपट्टि बसेर वरिष्ठ नेताद्वय झलनाथ खनाल र माधव नेपालले सारंगी रेटेपछि माहौल थप तातेको थियो ।
प्रधानमन्त्रीका प्रेस सल्लाहकार सूर्य थापाले फेसबुकमा सार्वजनिक गरेको यो तस्वीरको क्याप्सनमा लेखेका छन्, ‘सुमधुर धुन’ । प्रधानमन्त्री अाेली विगतदेखि नै बाजागाजा बजाउन निकै शाैकिन हुनुहुन्छ ।