काठमाडौँ । आगामी फेब्रुअरी ७ बाट सुरु हुने आईसीसी टी–२० विश्वकप अघि नेपाली क्रिकेट टोलीले श्रीलंका र भारतमा अभ्यास खेल खेल्ने भएको छ।
नेपाल क्रीकेट संघ (क्यान)ले विश्वकप तयारीअन्तर्गत नेपालले खेल्ने अभ्यास खेलहरूको तालिका सार्वजनिक गरेको हो।
तालिकाअनुसार नेपालले जनवरी २०, २२ र २४ मा श्रीलंका ‘ए’ टोलीसँग तीन अभ्यास खेल खेल्नेछ। यी खेलहरू श्रीलंकामै हुनेछन्।
त्यसपछि नेपाली टोली भारत प्रस्थान गर्नेछ, जहाँ जनवरी २९ र ३१ मा भारतमा दुई अभ्यास खेल खेल्ने कार्यक्रम छ।
विश्वकपअघि अभ्यास खेल खेल्न पाउँदा नेपाली टोलीको तयारी थप मजबुत हुने क्यानको विश्वास छ।
