काठमाडौं । चीनको वुहानमा एक नवजात शिशुलाई समेत कोरानो भाइरस भएको पुष्टि भएको छ । कोरानोबाट संक्रमित हुने सबैभन्दा कम उमेरका व्यक्तिमा ति बच्चा रहेको चिनियाँ सञ्चार मध्यमले समेत जनाएको छ । बच्चा ३.३५ किलो तौलका छन् ।
मंगलबार कोरोना भाइरस संक्रमण भएकी आमाले हुबे प्रान्तको वुहानमा शिशुलाई जन्म दिएकी थिइन् । उनलाई गर्भावस्थामै भाइरस सरेको हो वा जन्मिएपछि सरेको हो भन्ने प्रष्ट भने भएको छैन ।
बच्चा जन्मिएको ३० घन्टामा नै कोरोना संक्रमण भएको पाइएको हो । गर्भमा नै उनलाई संक्रमण भएको हुनसक्ने आशंका यता चिकित्सकहरुले गरेका छन् । शिशु चिकित्सकको निगरानीमा छन् र उनको अवस्था स्थीर छ ।
