काठमाडौं । चीनबाट नेपाल आउने नेपालीलाई बेइजिङस्थित नेपाली राजदूतावासले हुबेइ प्रान्तबाट स्वदेश फिर्ता जाने नेपाली नागरिकहरुले पालना गर्नुपर्ने नियमहरु सार्वजनिक गरेको छ । शनिबार नेपाल आउने नेपालीहरुले नेपाल सरकारले तयार गरेको क्वारेनटाइनमा १४ देखि १७ दिनसम्म बस्नुपर्ने जानकारी गराउँदै छ बुँदे नियम पालना गर्न निर्देशन दिएको बेइजिङस्थित नेपाल राजदुतावासले जनाएको छ।
दुतावासले लागू गरेको नियम अनुसार क्वारेनटाइनमा राख्दा खाना¸ पानी¸ शौचालय¸ स्वास्थ्य उपचार , इन्फेक्सन, नियन्त्रण, प्रिभेन्सनको व्यवस्थापन गर्ने जनाएको छ । दुवावासले निकालेको सूचनामा उल्लेख गरिए अनुसार क्वारेनटाइनमा रहदासम्म आफन्तहरुसंग भेटघाट गर्न समेत नदिने भनिएको छ । क्वारेनटाइनमा बस्ने व्यक्तिहरुलाई ६० कोठाहरुको व्यवस्था गरी उचित दुरीको फरकमा सामुहिक बसोबास गर्नुपर्नेछ ।
छ जनाले एक शौचालयको प्रयोग गर्न सक्ने व्यवस्था गरिएको छ । क्वारेनटाइनमा रहदा चीनबाट आउने नेपालीहरुको सहजता र आरामलाई सकेसम्म व्यवस्थित गर्ने जनाइएको छ । क्वारेनटाइनमा रहने नेपालीहरुले दुतावासले दिएको हरेक नियम पालना गर्नुपर्ने भन्दै खाना सम्बन्धि नियम, बाथरुम प्रयोग सम्बन्धि नियम, समय लगायतको नियम पालना गर्नुपर्ने बताईएको छ । उनीहरुलाई दुतावासले शर्तनामामा हस्ताक्षर गर्न लगाएर मात्र नेपाल फर्काउनेछ ।
शर्तनामा यसप्रकारको छः
म नेपाली नागरिक हुँ । चीनको हुबेइ प्रान्तबाट स्वदेश फिर्ता जाने नेपाली नागरिकहरुले पालना गर्नुपर्ने माथि उल्लिखित सबै बुँदाहरु मैले पढेको छु । म उक्त सबै बुँदाहरु पूर्ण रुपमा पालना गर्न सहमत छु, पालना नगरेमा कानून बमोजिम सहुँला बुझाउँला ।
नामः
हस्ताक्षरः
राहदानी नं.
