काठमाडौं: इङलिस प्रिमियर लिग अन्तर्गत मंगलबार राति भएको खेलमा लिग लिडर आर्सनलले तेस्रो स्थानमा रहेको एस्टन भिल्लालाई नराम्रोसँग पराजित गरेको छ ।
निकै प्रतिस्पर्धात्मक यस खेलमा जित भने आर्सनलको भयो । निकै रोमाञ्चक यस प्रतिस्पर्धामा आर्सनलले भिल्लालाई ४–१ गोल अन्तरले पराजित गरेर पहिलो स्थानलाई अझ सुदृढ बनायो ।
आर्सनलका लागि ग्याब्रिएलले ४८औं मिनेटमा पहिलो गोल गरेका थिए । त्यसलगत्तै ५२औं मिनेटमा जुबिमेन्डीले दोस्रो, ६९औं मिनेटमा ट्रोसार्डले तेस्रो तथा ७८औं मिनेटमा जेसुसले गोल गरेका थिए ।
एस्टन भिल्लाका लागि एकमात्र गोल ९४औं मिनेटमा वाटकिन्सले गरेका थिए ।
यो जितसँगै आर्सनलले १९ खेलबाट ४५ अंक जोडेर पहिलो स्थानमा आफूलाई कायम राखेको छ । दोस्रो स्थानमा भने १८ खेल खेलेको म्यान्चेस्टर सिटी रहेको छ जसको ४० अंक छ । तेस्रो स्थानमा रहेको एस्टन भिल्लाको १९ खेलबाट ३९ अंक छ ।
