काठमाडौँ । उज्यालो नेपाल पार्टीका नेता डा महेन्द्र लावतीले समानुपातिक तर्फको बन्द सूचिमा आफ्नो नाम राखिएको प्रति असहमति जनाएका छन् ।
राष्ट्रिय स्वतन्त्र पार्टीले निर्वाचन आयोगमा हिजोमात्र उनको नाम पनि बुझाएको थियो । उनी उज्यालो नेपाल पार्टी रास्वपामा समाहित भएपछि कुलमानको कोटाबाट सो सूचीमा परेका थिए ।
तर पनि उनले उज्यालो नेपाल पार्टी राष्ट्रिय स्वतन्त्र पार्टीमा समाहित भएको भन्दै हिजो नै त्यसको विरोध गरेका थिए । पार्टी समाहित गर्दा आफूहरूसँग सल्लाह नगरिएको उनको भनाई छ ।
त्यसैले आज समानुपातिक सूचीमा आफ्नो नाम सार्वजनिक भएपछि विरोध जनाएको उनले बताएका छन् । रास्वपाले निर्वाचन आयोगमा बुझाएको बन्द समानुपातिक उमेद्वारको सूचीमा आदिवासी जनजाति पुरुष क्लस्टरको १२ औँ नम्बर लावतीको नाम छ ।
सो सूचीबाट आफ्नो नाम झिक्न भनेको भन्दै डा लावतीले आफ्नो धारणा आज विराटनगरबाट सार्वजनिक गरेका हुन् ।
