काठमाडौं । संसदमा सत्तारुढ दल नेपाल कम्युनिष्ट पार्टी (नेकपा) का सांसदले शासकीय स्वरुप नै परिवर्तन गर्न आवाज उठाएका छन् ।
पूर्व कानुन मन्त्रीसमेत रहेका शेरबहादुर तामाङले शासकीय स्वरुप नै परिवर्तन गरेर अगाडि बढ्नको कुनै विकल्प नभएको भनाइ राखे । तत्कालीन माओवादी केन्द्रले पनि यो माग संविधान निर्माणको बेला उठाएको थिए ।
प्रतिनिधिसभाको मंगलबारको बैठकको बिशेष समयमा तमाङले खर्चिलो निर्वाचन प्रणलीले विकास थिलथिले भएके र भ्रष्टाचार मौलाएको जनाउँदै अब प्रत्यक्ष निर्वाचित कार्यकारी राष्ट्रपति प्रणालीतर्फ सबैको ध्यान जानु पर्ने बताए ।
