स्याङ्जा। प्रचारप्रसारको अभावमा सबैमाझ पुग्न नसकेको स्याङ्जाको फेदिखोला गाउँपालिका १ मा रहेको अमोर सेवा नेपाल बाल गृहमा पुग्नु भएका नेपाली काङ्ग्रेसका उपसभापति पुर्व मन्त्री धनराज गुरुङले सेवाको भावले गरिएको कामको प्रचारप्रसार नहुने बताउनु भएको छ ।
अभिभावक बिहिन बनेका सडक बालबालिकाहरुलाई अभिभावकीय भुमिका निर्वाह गर्दै आएको बालगृह पुग्नु भएका पुर्व मन्त्री गुरुङले बालगृह संचालीका कमला पराजुली राज्य भन्दा ठुलो अभिभावक बनेको भावना व्यक्त गर्नुभयो ।
उहाँले भन्नुभयो ” सहारा बिहिन बालबालिकाको अभिभावक बनेर जुन कर्म गर्नुभएको छ त्यहीँ नै धर्म हो, धर्म गर्न अन्यत्र कतै जानु पर्दैन ।”
डाक्टर मनोर सयदको पहलमा बालगृहमा रहेका ४६ बालबालिकाहरुलाई न्यानो कपडा र हिटर लिएर पुग्नु भएका उहाँले रुकुमको भुकम्प बाट अभिभावक बिहिन बनेका ५ जना बालबालिकाहरुको अभिभावक बनेको भन्दै ती बालबालिकाको पठनपाठनको जिम्मेवारी समेत लिएको स्मरण गराउनुभयो ।
उहाँले भन्नुभयो “देश सुन्दर बनाउन बालबालिकाको भबिस्य सुन्दर हुनुपर्छ । त्यसैले मैले पनि रुकुम भुकम्पमा आमा बुबा गुमाएका ५ जना बालबालिकाहरुलाई काठमाडौ ल्याएर पढ्ने व्यवस्था मिलाएको छु ।
त्यस्तै यहीँ स्याङ्जाको विरुवा गाउँपालिकामा अभिभावक बिहिन बनेको बालकलाई काठमाडौमा बस्ने र पढ्ने व्यवस्था मिलाएको छु ।” बालबालिकाको भबिस्यको लागी आफुले अहिलेसम्म सकेको प्रयास गरेको स्मरण गराउदै यस्तो कामको चर्चा खोज्न नहुने धारणा समेत राख्नुभयो ।
सहाराबिहिन बालबालिकाहरुको अभिभावक बनेर जिबन बेतित गर्न पाउदा जिन्दगीले सार्थकता पाएको महसुस भएको बाल गृह संचालिका कमला पराजुली धारणा राख्नुभयो । २०६८ साल देखी वैदेशिक सहयोग बिना बालगृह संचालन गरेको स्मरण सुनाउदै उहाँले प्रचारप्रसारको अभावमा बालगृह पछी परेको समेत संचारिका पराजुलीले बताउनुभयो
। उहाँले भन्नुभयो ” हामीले मिलाएर बोल्न जान्दैनौ, गरेको काम यहीँ अगाडि छ, काममा मात्रै गर्दा प्रचारप्रसार भएन, प्रचारप्रसार नहुदा सहयोग गर्न चाहने मन भएका सहयोगीदाता जोडिन सक्नु भएन, सहयोगीदाता जोडिन सकेको भए यसलाई अझै व्यवस्थित बनाएर चलाउने थियौ ।”
न्यानो कपडा हिटर लिएर पुग्नु भएका डाक्टर मनोर सयदले बर्षमा एक पटक आफुले सकेको सहयोग लिएर आउने गरेको धारणा राख्नुभयो उहाँले भन्नुभयो ” म सके धेरैपटक नसके बर्षमा एक पटक सहयोग लिएर आउने गरेको छु ।”
