काठमाडौँ । नेपाल प्रिमियर लिग (एनपीएल) अन्तर्गत इलिमिनेटरमा काठमाण्डु गोर्खाज र लुम्बिनी लायन्सबीच प्रतिस्पर्धा भइरहेको छ ।
कीर्तिपुरस्थित टियु रंगशालामा जारी खेलमा काठमाण्डुले लुम्बिनीलाई ११२ रनको सामान्य लक्ष्य दिएको छ ।
टस जितेर ब्याटिङ थालेको काठमाण्डु १९.१ ओभरमा १११ रनमै अलआउट भयो ।
काठमाण्डुका कोही ब्याट्सम्यान चल्न सकेनन् । सन्तोष यादवले सर्वाधिक २३ रन जोड्दा मोहम्मद आदिल आलम र जोन सिम्पसनले १८–१८ रन बनाए । यस्तै, भीम सार्कीले १४, करण केसीले ९, सन्नी पटेलले ७, बेन चार्लस्वर्थले ४, मिलिन्द कुमारले २ तथा आकाश त्रिपाठीले १ रनमात्रै बनाए ।
काठमाण्डुको इनिङ्स तहसनहस पार्न लुम्बिनीका कप्तान रोहित पौडेल र शेर मल्लले तीन–तीन विकेट लिए भने रुवेन ट्रम्पलमानले दुई तथा अभिशेष गौतमले एक विकेट लिए ।
