काठमाडौँ । नेपाल प्रिमियर लिग (एनपिएल) अन्तर्गत इलिमिनेटरमा आज काठमाण्डु गोर्खाज र लुम्बिनी लायन्स भिड्दैछन् ।
त्रिभुवन अन्तरराष्ट्रिय क्रिकेट रङ्गशालामा ४ बजे सुरु हुने खेलमा काठमाण्डुले पहिले ब्याटिङ गर्ने भएको छ । काठमाण्डुका कप्तान करण केसीले टस जितेर पहिले ब्याटिङ गर्ने निर्णय लिएका हुन् ।
अंकतालिकामा काठमाडौँ तेस्रो र लुम्बिनी चौथो स्थानमा छन् । लिग चरणको खेलमा काठमाडौँले लुम्बिनीलाई २२ रनले हराएको थियो ।
आज जित्ने टोली दोस्रो क्वालिफायरमा विराटनगर किङ्ससँग भोलि खेल्नेछ भने पराजित टोलि बाहिरिनेछ ।
विराटनगर पहिलो क्वालिफायरमा सुदूरपश्चिम रोयल्ससँग पराजित भएको थियो ।
