काठमाडौं। तेजस्वी र पारामाउन्टले १९औं भ्याली पब्लिक अन्तरविद्यालय बास्केटबल प्रतियोगितामा जित निकालेका छन् ।
बुढानीलकण्ठ नगरपालिका–८ स्थित भंगालमा आयोजकको कोर्टमा शनिबार भएको जुनियर ब्वाइजमा तेजस्शीले हिमशीलालाई २४–१९ र पारामाउन्टले बिएमसिएलाई २१–१५ ले हराए ।
पारामाउन्टका लागि सबिन तामाङले सर्वाधिक ७ अंक जोडे । अर्को खेलमा भने पारामाउन्टले न्युटनसँग ३६–२६ ले नतिजा गुमायो । न्युटनकका लागि युनिक कार्र्कीले सर्वाधिक १२ अंक बटुले ।
हिमशीले अर्को खेलमा पनि हार बेहो¥यो । ओडिसीसँग हिमशीला २४–१८ ले पराजित हुन पुग्यो । ओडिसीका लागि सोहन तामाङले ११ स्कोर गरे । यसै विधामा एन्जल्र्स हार्टले भ्याली पब्लिकलाई ३०–२० ले हरायो । एन्जल्स हार्टका लागि अक्ष घलले सर्वाधिक ११ अंक बटुले ।
जुनियर ब्वाइजमा नै विवेक घिमिरेको ११ अंकको मद्दतमा एलएनएले न्युटनलाई २९–२१ ले हरायो । भद्रकालीले राजन मेमोरियललाई १६–११ ले हराउँदा देवान्स गिरीले ६ अंकको योगदान दिए ।
सिनियर ब्वाइजमा बोधि सदनले रोजम्यारीलाई ३१–२१ ले हरायो । बोधि सदनका सोहन खड्काले सर्वाधिक ८ अंक बटुले । सिनियर ब्वाइजमा नै भद्रकालीले बेलमन्टलाई ३२-२२ ले हरायो । सिनियर गर्ल्समा जेबीले बेलमाउन्ट २३-१५, केभिकेएसएसले टिआईएलाई १६-११, न्युटनले ह्वाइट माउन्टेनलाई २८-१८, विद्या विकासले मन्जरीलाई ४१-२५ र ल्यान्डमार्कले इबिएलाई १९-१७ ले हरायो ।
प्रतियोगिता आगामी मंसिर २९ गतेसम्म हुनेछ । सिनियर ब्वाइजमा २९ तथा सिनियर गल्र्स र जुनियर ब्वाइजमा समान २७ टोलीले प्रतिस्पर्धा गर्दैछन् । तीनै विधामा शीर्ष तीन स्थान प्राप्त गर्ने टोलीले क्रमशः २० हजार, १० हजार र पाँच हजार रुपैयाँ र ट्रफी पनि पाउनेछन् ।
प्रतियोगिताको मस्ट भ्यालुएबल प्लेअर, बेस्ट थ्री पोइन्टर र सर्वाधिक स्कोरकर्ताले शिल्ड र प्रमाणपत्र प्राप्त गर्नेछ । सिनियर ब्वाइज र सिनियर गल्र्समा क्रमश ः ग्रिनल्यान्ड र भ्याली पब्लिक डिफेन्डिङ च्याम्पियन हुन् ।
जुनियर ब्वाइजको उपाधि भने त्रिज्योतिले जितेको थियो । यो प्रतियोगिता २०६१ सालमा पहिलोपल्ट न्यौपानेकै पहलमा सुरु भएको थियो । त्यसयता कोरोना महामारीका समयमा बाहेक नियमित रूपमा उक्त प्रतियोगिता हुँदै आएको छ ।
