काठमाडौं । नेकपा एमालेले ११औं महाधिवेशनका लागि आज देशका धेरैजसो ठाउँमा प्रतिनिधि छनोट गर्दै छ । प्रतिनिधि चयनमा रस्साकस्सी छ । भोलिसम्म सबै प्रतिनिधि चयन गर्ने कार्यतालिका छ ।
आगामी नेतृत्वका लागि अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल पक्षबीच प्रतिस्पर्धा हुने निश्चित भएकाले दुवै पक्ष आफ्ना प्रतिनिधि चयनको गृहकार्यमा छन् ।
एमालेमा भूगोलबाट १ हजार १ सय ३५ चयन हुन्छन् । त्यसका लागि सबै जिल्लामा संयन्त्र परिचालन भएका छन् । अरू केन्द्रीय कमिटी, विभाग, विशेष समितिबाट चुनिनेछन् ।
एमालेमा ओली र पोखरेलबीच प्रतिस्पर्धा हुने भएकाले प्रतिनिधि चयनको हिसाबकिताब पनि सुरु भएको छ । एमालेको ११ औं महाधिवेशन यही मंसिर २७ देखि २९ गतेसम्म काठमाडौंमा हुने छ ।
कुल महाधिवेशन प्रतिनिधि २ हजार २ सय हुने छन् ।
