बागलुङ । बागलुङको गल्कोटमा यसै हप्ता सम्पन्न अन्तर्राष्ट्रिय मूर्तिकला मेलामा नेपालका एकजना सुप्रसिद्ध लोकगायक रामजी नेपालीले विश्वका ११ देशको राष्ट्रिय गान गाएका छन् । त्यस अवसरमा नेपालीसँगै त्यस मेलामा सहभागी ११ देशका मूर्तिकारहरूले गायक राजमी नेपालीसँगै आफ्नो देशको राष्ट्रिय गानमा सहभागी भएका थिए ।
गल्कोटमा सहभागी हुन ती ११ देशबाट आएका कलाकारहरु गायक नेपालीसँगै आफ्नो देशको राष्ट्रिय गान गाउन पाउँदा निकै रमाएको देखिएको थियो । विभिन्न ११ मूर्तीकारहरूको सहभागीता रहेको उक्त मेला फागुन ५ देखि सुरु भएर १७ दिनसम्म चलेको थियो । सो मेलामा बाग्लुङकै गायक नेपालीले ११ देशको राष्ट्रिय गान गाएका हुन् ।
नेपाललाइ विश्वमा चिनाउने अभियानमा लागेका र हाल विश्वका २५ देशका राष्ट्रिय गान गाउनसक्ने नेपाली विश्वभ्रमणको अभियानमा छन् । विश्वभ्रमणको सुरूवात नेपालबाटै गर्ने भन्दै उनले नेपालका अधिकांश जिल्लाको भ्रमण गरी सकेका छन् । उक्त अवसरमा मूर्तिकारहरूले नेपालीको प्रतिभाबाट आफूहरू प्रभावित भएको बताएका थिए । उक्त अवसरमा ११ देशका मुर्तिकारसँगै गायक रामजी नेपालीलाई पनि सम्मान गरिएको थियो ।
विभिन्न देशका ११ जना मुर्तिकारहरुको उपस्थितिको हिसाबले यो मेला नेपालकै पहिलो र ऐतिहासिक भएको बताइएको छ । कार्यक्रमको १७ औं समापान भएको थियो । गण्डकी प्रदेश सरकारका पर्यटनमन्त्री विकाश लम्सालको प्रमुख आतिथ्यतामा मेला सम्पन्न भएको जनाइएको छ । सबै स्थानीय एवं मूर्तिकारहरूले आ–आफ्नो क्षेत्रबाट सहयोग गरेकोले सबैप्रति आभार भएको आयोजकको भनाइ छ ।