काठमाडौं । काठमाडौं भ्यु टावरका सञ्चालक तथा ठेकेदार मनोज कुमार भेटवाल पक्राउ परेका छन् । जलेश्वर स्वच्छन्द विकोई विल्डर्ससका सञ्चालक समेत रहेका भेटवाललाइ दिल्लीबाट त्रिभुवन अन्तराष्ट्रिय विमानस्थलमा ओर्लनासाथ आज विहान महानगरीय प्रहरी परिसर काठमाडौंले पक्राउ गरेको हो।
७५ लाख १० हजार रुपैयाँको बैकिङ कसुरको मुद्दामा उनी फरार रहँदै आएका थिए। उच्च अदालत पाटनबाट बैकिङ कसुरको मुद्दामा फरार रहेका भेटवाललाई परिसरले खोजी गर्दै आएको थियो। यसअघि पनि भेटवाललाई नेपाल प्रहरीको केन्द्रीय अनुसन्धान ब्युरो (सिआइबी)ले एपेक्स बैंक घोटाला प्रकरणमा पक्राउ गरेको थियो।
काठमाडौं महानगरपालिकाले २०७१ फागुन ८ गते भेटवालको जलेश्वर स्वच्छन्द विकोई विल्डर्ससँग सार्वजनिक निजी साझेदारीमा २९ तले बहुउदेश्यिय काठमाडौं भ्यु टावर निर्माण सम्झौता गरिएको थियो। तर भेटवालले निर्माण कार्य नै राक्दै आएका छन्।
