काठमाण्डौं । अमेरिकाले कोरोना भाइरसको संक्रमण फैलन नदिन युरोपका २६ देशसँग यात्रा रोक लगाएको छ । शुक्रबार मध्यरातिबाट लागू हुने गरी यात्रा बन्देज गरिएको हो । अमेरिकी राष्ट्रपति डोनाल्ड ट्रम्पले बेलायतबाहेक सबै युरोपेली देशसँग उडान रद्द गरेको घोषणा गरेका हुन् ।
३० दिनका लागि यात्रा बन्द गरिएको उल्लेख छ । बेलायतसँगको यात्रा भने निरन्तर रहने जनाइएको छ । अमेरिकाले यसअघि नै चीनसँगको उडान बन्द गरिसकेको छ ।
चीन भएर आउने विदेशीलाई समेत रोक लगाएको छ । विश्वभर यात्रा रोक लगाउन क्रम चलेको छ । भारतले पनि मध्यरातिबाट लागू हुनेगरी यात्रा रोक लगाएको छ । उसले सीमा बन्दको घोषणा समेत गरेको छ ।
