अमेरिकन आइडलको अडिसनबाट छानिएका नेपाली दिवेश पोखरेलले हलिउडमा दिएको पछिल्लो प्रस्तुतीले तीनैजना जज निकै प्रभावित भएका छन् । दिवेशले ओटिस रेडिङको ‘हार्ड टु ह्यान्डल’ को दुई हरफ मात्रै गाएर रोकेका थिए तर निर्णायक मण्डलहरु यती हर्षित देखिन्थे कि दिवेशलाई गीतलाई निरन्तरता दिन आग्रह गरे । सुरुमा केटी पेरीले उठेर ‘मोर… मोर…’ भनेर चिच्याइन् । त्यसपछि तीनैजना जज उठेर ‘मोर…’ भन्न थाले । दिवेशले निर्णायक मण्डलको चाहना अनुरुप फेरि आफ्नो प्रस्तुतीलाई निरन्तरता दिए ।
दिवेशले आफ्नो प्रस्तुती अघि सबै निर्णायक मण्डलहरुलाई अभिवादन स्वरुप ‘नमस्ते’ भनेका थिए । दर्शकदीर्घामा रहेकी उनकी दिदी रुपाले नमस्ते भनेर चिच्याउँदा तीनैजना निर्णायकले खुसी भएर उनलाई पुलुक्क हेरेपनि । दिवेशले गित गाँउदै गर्दा उनको त्यो मिठो गितमा निर्णायक मण्डलमा रहेका तीनैजना उभिएर ताली बजाउँदै उनको तालमा ताल मिलाए । जज ल्यूक ब्रायनले त दिवेशसँगै गाए पनि । दर्शकहरु पनि निकै उत्साहित देखिन्थे ।
प्रस्तुती पछि दिवेशले त्यसलाई निकै राम्रो अनुभव बताए । ‘मैले आफूलाई निर्णायक मण्डल र दर्शकसँग पूर्ण रुपमा जोडिएको महसुस गरेँ । निर्णायकहरु उभिनु भएको थियो र मसँगै गाउँदै रमाइरहनुएको थियो । यो निकै अद्भूत क्षण हो । ’ दिवेश पोखरेल स्टेज नाम आर्थर गनबाट चर्चित छन् ।
