एजेन्सी । सुपरहिट साउथ सिनेमा केजीएफमा रकीका काकाको भूमिका निभाउने कलाकार हरीश रायको निधन भएको छ।
हरीश राय लामो समयदेखि क्यान्सरसँग जुधिरहेका थिए । उनको बेंगलुरुको किदवई अस्पतालमा निधन भएको हो । उनको निधनसँगै कन्नड फिल्म उद्योगमा शोक छाएको छ।
हरीश थाइराइड क्यान्सरबाट पीडित थिए, जुन पेटसम्म फैलिसकेको थियो । यस कारणले उनको स्वास्थ्य निकै बिग्रिएको थियो र पेटमा पानी जम्मा हुँदा उनलाई ठूलो पीडा हुन्थ्यो ।
क्यान्सरको उपचारका कारण हरीश लामो समयसम्म फिल्मबाट टाढा रहे । पछि उनी केजीएफमार्फत फिल्ममा फर्किएका थिए । तर, क्यान्सर फेरि फैलिएको कारण उनलाई पुनः फिल्मबाट टाढा रहनु परेको थियो ।
घाँटीमा फुलिएको लुकाउन दाह्री राखे
हरीशले युट्युबर गोपी गौडुलाई दिएको एक अन्तर्वार्तामा बताए कि उनी पछिल्ला तीन वर्षदेखि क्यान्सरबाट पीडित थिए। उनले खुलासा गरे कि फिल्म केजीएफमा लामो दाह्री राख्नुको कारण घाँटीको सुन्नोपन लुकाउनु थियो।
अन्तर्वार्तामा हरीशले आर्थिक कठिनाइका कारण उपचार समयमै नभएको समस्या पनि बताए। पैसाको अभावका कारण उपचार ढिला भयो, जसले उनको अवस्था अझ बिग्रियो।
फिल्ममा नेगेटिभ रोलका लागि परिचित
हरीश कन्नड फिल्म उद्योगका प्रख्यात अभिनेता थिए। उनी कन्नड फिल्ममा नेगेटिभ रोलका लागि परिचित थिए। केजीएफबाहेक उनले जोडी हक्की, तयव्वा, सञ्जु वेड्स गीता जस्ता धेरै हिट फिल्ममा काम गरेका थिए।
